भक्तपुर फागुण १८ गते २०८०
भक्तपुरको सल्लाँ गणेशस्थित दत्तात्रीय फोटो स्टुडियोका संस्थापक पायोनियर फोटोग्राफर स्व. बद्री प्रसाद बनेपालीले करिव ८० बर्ष अघि खिचिएका देखि उहाँका छोरा र नातिहरुले हाल खिचिएका फोटोहरुको प्रदर्शनी गरेको छ । आज शुक्रवार नेपाल मजदुर किसान पार्टीका केन्द्रिय अध्यक्ष्य नारायण मान बिजुक्छेले उद्घाटन गरिएको उक्त प्रदर्शनी भक्तपुरको लायकुको लाँचा पल्चामा (दरवार क्षेत्र) मा करिव ६८ वटा फोटोहरु राखेको छ । स्व. बद्री प्रसाद बनेपालीका छोरा फोटोग्राफर तथा पत्रकार केदार प्रसाद बनेपालीको ६८ बर्ष पुगेको उपलक्ष्यमा ६८ वटा फोटोहरु प्रदर्शनीमा राखेको बताउनुभयो । दुई दिनसम्म चल्ने प्रदर्शनीमा तिन पुस्ताले खिचिएका बिभिन्न सम्पदाहरु जात्रा पर्वका फोटोहरु हेर्न सकिनेछ । एउटै सम्पदा तिन पुस्ताले खिचिएको तिन स्वरुपमा पनि हेर्न सकिन्छ । दरवार क्षेत्रको शिलु महादेव (फसिदेग) र खरिपाटी ब्यारेक निरको यातु महादेव मन्दिरको तिन फरक स्वरुपमो फोटो हेर्न सकिन्छ । सबै फोटोहरु श्यामश्वयत (ब्लाक एण्ड ह्वाईट)मा राखिएको छ । प्रदर्शनी हेर्न आउने दर्शकले हालसाल खिचिएको फोटोहरु रंगिईन (कलर)मा हेर्न पाएको भए सुनमा सुगन्ध हुने सुझावहरु दिएका छन् । उहाँहरुको अनुसार नयाँ फोटोहरु पनि ब्लाक एण्ड ह्वाईटमा हेर्नु पर्दा सबै फोटोहरु धेरै पुरानो जस्तो लागेर नयाँ पुरानो छुट्याउन अलि कठिन भएको बताएका छन् ।